Қазақ тілін меңгеру деңгейін
бағалау жүйесі - ҚазТест

ҚАЗТЕСТ жүйесі бойынша тестілеуден өту 2 кезеңнен тұрады:

І кезең – диагностикалық тестілеу.

Бұл тестілеу түрі қазақ тілін меңгеру деңгейін анықтауға арналған.
Тест тыңдалым, лексика-грамматикалық құрылым және оқылым бөліктері бойынша 150 жабық түрдегі тест тапсырмасынан тұрады.
Тест нәтижесі төменде көрсетілген меже бойынша анықталады. Тестілеу нәтижесі – анықтама.

ІІ кезең – сертификаттық тестілеу.

Қазақ тілін білу деңгейі бірінші кезеңнің нәтижесіне сәйкес тыңдалым, лексика-грамматикалық құрылым,
оқылым және жазылым бөліктері бойынша бағаланады.
Әр сөйлеу әрекетінің түрі бойынша дұрыс жауаптың үлесі 60%-дан жоғары болу керек.
Тестілеу нәтижесі – сертификат.

«Жазылым» бөлігін бағалау.
«Жазылым» бөлігі деңгейіне қарай және Тест спецификациясы мен ҚАЗТЕСТ жүйесі бойынша жазба жұмыстарын тексеру ережелеріне сәйкес бағаланады.