ҚАЗТЕСТ нұсқаларының деңгейге сәйкес ерекшеліктері, оның сипаты мен мазмұны бойынша тіл үйренушіге тілді меңгеру барысында көмекші құрал ретінде ҚАЗТЕСТ-ке дайындалудың әдістемелік құралы баспадан шықты. Әдістемелік құрал қазақ тілін меңгеру деңгейін бағалау жүйесі – ҚАЗТЕСТ бойынша тестілеу емтиханына дайындалу үшін және қазақ тілін үйренуші жалпы оқырман қауымға арналған. Құралда тыңдалым, оқылым, жазылым бөліктері мен қазақ тілінің лексика-грамматикалық құрылымы бойынша тест тапсырмаларына талдау жасалған және тіл үйренушіге қазақ тілін меңгеруде ықпал етерлік жаттығулар мен тапсырмалар келтірілген. Тест тапсырмаларын түсіндіріп, талдап, тілдік құрылымдарды еске түсіру арқылы қазақ тілін меңгеруде жаңа мүмкіндіктер береді. Әдістемелік құрал жалпы таралымы – 3000 данамен жарық көрді. ҚАЗТЕСТ-ке дайындық құралы алғашқы деңгейлер үшін орыс тілінде де берілген.
