«Болашақ» бағдарламасы бойынша мемлекеттік тілді білудің бастапқы деңгейі ұлғайтылды
Қазақстан Республикасы Мемлекеттік хатшысының міндетін уақытша атқарушы Кәрім Мәсімовтің төрағалығымен Шетелде кадрлар даярлау жөніндегі республикалық комиссияның отырысы өтті.
Отырыс барысында Қазақстан Президентінің бастамасымен жүзеге асып келе жатқан «Болашақ» халықаралық стипендиясын одан әрі жетілдіру жөніндегі ұсыныстар қаралды.
Барлық санаттағы үміткерлерге мемлекеттік тілді білу жөніндегі ең төменгі талап жоғарылатылды. ҚАЗТЕСТ жүйесі бойынша барлығы 150 тапсырмадан 85 балл жинау талабы қойылды.