Маңғыстау облысы ҚАЗТЕСТ тестілеуінен өтті
Маңғыстау облысы ҚАЗТЕСТ тестілеуінен өтті
2019 жылғы 20-24 мамыр аралығында Қазақстан Республикасы Білім және ғылым министрлігі Ұлттық тестілеу орталығы Маңғыстау облысының Тілдерді дамыту, архивтер мен құжаттама басқармасымен бірлесе отырып, мемлекеттік және бюджеттік сала қызметкерлері арасында қазақ тілін меңгеру деңгейін анықтау мақсатында ҚАЗТЕСТ жүйесі бойынша кезекті тестілеуді ұйымдастырды.
Диагностикалық тестілеуге 744 адам қатысты. Тестілеуге облыстық департаменттер мен басқармалар, қалалық, аудандық мемлекеттік мекемелер, бюджеттік және әскери сала қызметкерлері қатысты.
Бұл іс-шара Қазақстан Республикасындағы тілдерді дамыту мен қолданудың 2011-2019 жылдарға арналған мемлекеттік бағдарламасының міндеттерін жүзеге асыру мақсатында өткізіліп отыр.
