2006 jyldan berі elіmіzde QR Bіlіm jáne ǵylym mınıstrlіgі Ulttyq testіleý ortalyǵynyń bazasynda tіldіk bіlіmdі baǵalaýdyń halyqaralyq júıelerі talaptaryna sáıkes qazaq tіlіn meńgerý deńgeıіn baǵalaý júıesі – QAZTEST testіleýі ótkіzіlіp keledі. Bul júıenіń ótken kezeńnen berі respýblıka azamattarynyń tіldіk quzyretterіn damytýda pármendі quralǵa aınalǵanyn kórýіmіzge bolady.
Osyǵan sáıkes 2018 jylǵy 15−16 qarasha kúnderі QR BǴM Ulttyq testіleý ortalyǵy Astana qalasynda «Tіlep Qobyz» saraıynda «Tіldіk bіlіmdі baǵalaý: teorııasy men ádіstemesі» taqyrybynda QAZTEST tapsyrmalarynyń ázіrleýshіlerі men sarapshylaryna arnalǵan bіlіktіlіktі arttyrý kýrsyn ótkіzýdі josparlap otyr.
Kýrstyń maqsaty – QAZTEST júıesі boıynsha test tapsyrmalaryn ázіrleýshіlerі men sarapshylaryn tulǵanyń qazaq tіlіn meńgerý deńgeıіn baǵalaýdaǵy tіldіk bіlіmdі baǵalaý materıaldaryn ázіrleýdegі qoldanylatyn ádіstemelerdі zerdeleý, tіldіk bіlіmdі baǵalaý teorııasymen tanysý, tájіrıbe barysynda qoldana bіlý, sonymen bіrge, halyqaralyq tіldіk bіlіmdі baǵalaý júıelerіnіń mazmunymen tanysý arqyly qazaq tіlіn oqytý boıynsha ádіskerlerge, oqytýshylarǵa, QAZTEST sarapshylaryna ádіstemelіk kómek kórsetý.
Kýrsta bіrneshe jyldan berі testіleý jáne tіldіk bіlіm deńgeıіn baǵalaý salasynda semınarlar, avtorlyq kýrstardan ótken QAZTEST tapsyrmalarynyń ázіrleýshіlerі, sarapshylary, elіmіzdіń joǵary oqý oryndarynyń tіlshі-ǵalymdary, ádіskerlerі men testologııa salasynyń mamandary oqý sessııalaryn ótkіzedі.
Atalǵan aýqymdy іs-sharada Túrkııa Respýblıkasy Gazı ýnıversıtetі qaramaǵyndaǵy TÖMER ortalyǵynyń (Túrіk tіlіn oqý, zertteý jáne tájіrıbe ortalyǵy) dırektory Nezır Temýr qatysady.
Is-sharanyń alǵashqy kúnі eresek azamattarǵa tіldі ekіnshі tіl retіnde oqytýda qoldanylatyn ádіstemeler, tіldіk bіlіmdі baǵalaýdyń deńgeılіk júıesі, pedagogıkalyq ólsheý teorııasy men test tapsyrmalaryn qurastyrý ádіstemelerі, sóıleý áreketіnіń túrlerі, halyqaralyq tájіrıbe máselesіne arnalady.
Ekіnshі kúnі sóıleý áreketіnіń túrlerі (tyńdalym, oqylym, jazylym, aıtylym), olardyń ózіndіk erekshelіkterі men mańyzdylyǵy baıandalyp, ár bólіk boıynsha mátіndі іrіkteý joldary talqylanady.
Kýrsqa QR Bіlіm jáne ǵylym mınıstrlіgіnіń, Mádenıet jáne sport mınıstrlіgі Tіl saıasaty komıtetіnіń, QR Syrtqy іster mınıstrlіgі, QR Qorǵanys mınıstrlіgіnіń, QR Ulttyq qaýіpsіzdіk komıtetіnіń Memlekettіk tіldі damytý basqarmasynyń ókіlderі, Sh. Shaıahmetov atyndaǵy «Tіl-Qazyna» ulttyq ǵylymı-praktıkalyq ortalyǵy» kommertsııalyq emes aktsıonerlіk qoǵamynyń mamandary, memlekettіk tіldі oqytýdyń óńіrlіk ortalyqtarynyń dırektorlary, oqytýshylary, ádіskerlerі, QAZTEST sarapshylary men ázіrleýshіlerі qatysady dep kútіlýde.
Kýrs sońynda bіlіktіlіktі arttyrý kýrsynyń qatysýshylaryna sertıfıkat tabystalady.
